Taldea prest dugu

Taldekideak
Traineruko taldea
(Argazkia: Aitor Urkia)

Aurkeztu dugu aurtengo ‘Maialen’ trainerua osatuko duen taldea. Lehen aldiz, Basqueland Brewing Project garagardotegian egin dugu aurkezpen ekitaldia, familia giroan, eta tarte polita igaro dugu elkartutako guztien artean. [ekitaldiko argazki bilduma]

Jon Odriozola arduratu da ekitaldia gidatzeaz. Ainhitze Kalonje eta Maria Salvador arraunlariek hartu dute hitza, baita Xabier Zabala entrenatzaileak ere.

Jarraitu IrakurtzenTaldea prest dugu

Traineruaren aurkezpena egingo dugu larunbatean

'Maialen' trainerua, Kontxan
‘Maialen’ trainerua, Kontxako entrenamendu saio batean. (Argazkia: Haritz Rodriguez)

Aurtengo udan ere uretan izango dugu Maialen trainerua, bosgarren urtez jarraian, lehen eguneko ilusio berarekin. Denboraldia hastear dagoenez, traineruaren aurkezpena egingo dugu larunbatean, ekainaren 8an, 19:00etan.

Basqueland Brewing Project garagardo markaren egoitzan izango da ekitaldia (Hernaniko Akarregi industrialdea, 4B).

Jarraitu IrakurtzenTraineruaren aurkezpena egingo dugu larunbatean

Zatoz Kontxara!


Kontxako Banderan parte hartzeko sailkatzea lortu du Hernaniko Arraun Elkarteak, bigarren urtez jarraian. Denboraldiko egunik garrantzitsuenetakoak dira hauek gure traineruko kideentzat, eta zaleen babesa eskertuko genuke, nola ez. Datozen bi igandeetan, 11:00etan hasiko dira estropadak, eta gurekin nahi zaituztegu, Donostiako kaleak berdez jantziz. Aupa Hernani!

Aste Nagusiko I. Bandera jokatuko dugu larunbatean

Hernaniko Bandera
Joan den astearteko estropadako irudia. (Argazkia: Estitxu Zabala)

Berriro ere Gipuzkoako ligako jardunaldia izango da larunbatean, abuztuaren 19an, 17:00etan, Donostiako Urumea ibaian. Donostiarrak eta Hernanik elkarlanean antolatutako jardunaldia izango da, eta, ligaren barruan kokatu arren, ez da puntuagarria izango, Euskotren Ligako ontziak faltako baitira.

Jarraitu IrakurtzenAste Nagusiko I. Bandera jokatuko dugu larunbatean

Ligako jardunaldietako bat antolatu dugu: I. Iparragirre Saria

Hiru jardunaldi baino ez dira geratzen Gipuzkoako Traineru Liga bukatzeko, eta horietako bat Hernaniko Arraun Elkarteak antolatu duena izango da: Emakumeen I. Hernaniko Bandera, I. Iparragirre Saria. Astearterako prestatu dugu estropada, abuztuaren 15a, 11:30ean, Loiolako Erriberan.

Jarraitu IrakurtzenLigako jardunaldietako bat antolatu dugu: I. Iparragirre Saria

Lehenengo bandera lortu du ‘Maialen’ traineruak, eta gogotsu dago

Bandera Pasaia, Madalenak

Bere ibilbideko lehen bandera eskuratu zuen ‘Maialen’ traineruak, joan den larunbatean, Pasaiako uretan: Madalenetako Ikurriña. Hirugarren udara betetzen ari da taldea, eta Gipuzkoako Ligan lortu zuen lehen garaipena, Donostiarraren aurretik sartuta. Jardunaldi ez puntuagarria izan zen, Euskotrenekoak falta baitziren. Hala ere, bandera zegoen jokoan, elegante askoa gainera.

Jarraitu IrakurtzenLehenengo bandera lortu du ‘Maialen’ traineruak, eta gogotsu dago

Pasaian eta Lekeition arituko da ‘Maialen’

CASTROko estropada, trainerua
Trainerua, Castroko estropadan.

Joan den igandeko arantza kentzeko aukera ederra izango du Maialen traineruak, datorren asteburuan. Izan ere, Gipuzkoako Traineru Ligako jardunaldia izango du, larunbatean, 18:30ean, Pasaiako badian. Jardunaldi ez puntuagarria jokatuko dute partaideek, Euskotren ligako jardunaldiarekin bat egingo duelako. Gizonezkoen KAE-2 ligako estropaden ostean izango da. 

Jarraitu IrakurtzenPasaian eta Lekeition arituko da ‘Maialen’