Zatoz Kontxara!


Kontxako Banderan parte hartzeko sailkatzea lortu du Hernaniko Arraun Elkarteak, bigarren urtez jarraian. Denboraldiko egunik garrantzitsuenetakoak dira hauek gure traineruko kideentzat, eta zaleen babesa eskertuko genuke, nola ez. Datozen bi igandeetan, 11:00etan hasiko dira estropadak, eta gurekin nahi zaituztegu, Donostiako kaleak berdez jantziz. Aupa Hernani!

Ligako jardunaldietako bat antolatu dugu: I. Iparragirre Saria

Hiru jardunaldi baino ez dira geratzen Gipuzkoako Traineru Liga bukatzeko, eta horietako bat Hernaniko Arraun Elkarteak antolatu duena izango da: Emakumeen I. Hernaniko Bandera, I. Iparragirre Saria. Astearterako prestatu dugu estropada, abuztuaren 15a, 11:30ean, Loiolako Erriberan.

Jarraitu IrakurtzenLigako jardunaldietako bat antolatu dugu: I. Iparragirre Saria

Lehenengo bandera lortu du ‘Maialen’ traineruak, eta gogotsu dago

Bandera Pasaia, Madalenak

Bere ibilbideko lehen bandera eskuratu zuen ‘Maialen’ traineruak, joan den larunbatean, Pasaiako uretan: Madalenetako Ikurriña. Hirugarren udara betetzen ari da taldea, eta Gipuzkoako Ligan lortu zuen lehen garaipena, Donostiarraren aurretik sartuta. Jardunaldi ez puntuagarria izan zen, Euskotrenekoak falta baitziren. Hala ere, bandera zegoen jokoan, elegante askoa gainera.

Jarraitu IrakurtzenLehenengo bandera lortu du ‘Maialen’ traineruak, eta gogotsu dago

Pasaian eta Lekeition arituko da ‘Maialen’

CASTROko estropada, trainerua
Trainerua, Castroko estropadan.

Joan den igandeko arantza kentzeko aukera ederra izango du Maialen traineruak, datorren asteburuan. Izan ere, Gipuzkoako Traineru Ligako jardunaldia izango du, larunbatean, 18:30ean, Pasaiako badian. Jardunaldi ez puntuagarria jokatuko dute partaideek, Euskotren ligako jardunaldiarekin bat egingo duelako. Gizonezkoen KAE-2 ligako estropaden ostean izango da. 

Jarraitu IrakurtzenPasaian eta Lekeition arituko da ‘Maialen’

Zaleen babesa behar dugu, goruntz egiteko

BILBO. trainerua 2017
Trainerua, joan den asteburuan Deustun jokatutako estropadan.

Joan den asteburuan ekin zion gure traineruak Gipuzkoako Ligari, Deustun. Maialen ontziak laugarren postuan sailkatzea lortu zuen; hirugarren izan zen Oriorengandik segundo bakarrera, eta San Juan irabazletik 23 segundora. Beraz, lehen emaitzarekin oso pozik dago taldea, baina badaki lanean jarraitu beharko duela, lorpen handiagoen bila.

Jarraitu IrakurtzenZaleen babesa behar dugu, goruntz egiteko

Traineruko kideak, dena emateko prest!

Traineruko kideak, Tilosetan egindako aurkezpenean. (Argazkia: Anabel Zabala)

Hernaniko Arraun Elkarteak 2017ko traineru denboraldiari ekingo dio, datorren asteburuan. Hain zuzen, Deustun izango du Gipuzkoako Traineru Ligako lehen estropada, larunbat eguerdian. Horretaz gain, Euskotren Ligarako sailkatzen saiatuko da, eta Gipuzkoako Traineru Txapelketan eta Kontxako Banderan lehiatzeko gogoz dago, Xabier Zabala entrenatzailearen gidaritzapean.

Jarraitu IrakurtzenTraineruko kideak, dena emateko prest!